16 de novembro de 2017

COUSAS DE AVES

Dende que "Cantarín" (un gorrión) entrou hai un mes pola nosa fiestra e quedou enganchado coas súas patas na moqueta da parede, xurdiu na escola certo interese polas aves. Despois de observalo, acariñalo, bicalo e finalmente soltalo a voar, apeteceunos coñecer máis cousas sobres os gorrións e as aves en xeral. Gracias á colaboración das familias seguimos aprendendo! Hoxe Aitana trouxo á escola un niño de paxaro, que atopou o seu tío Martín: observamos de qué materiais estaba feito, tocamos os anacos de cáscaras de ovo que había dentro, elaboramos hipóteses sobre por qué o niño estaba baleiro... e por suposto sacamos unha foto con el! Ahí vos queda!


9 de novembro de 2017

HOXE TOCOU REPOSTERÍA!

A xornada de hoxe adicámola a elaborar a nosa merenda de mañá! E fixemos nada menos que dúas tortas: unha de mazá (froita propia da estación na que nos atopamos) e outra de iogur. Queremos agradecerlle enormemente a Almudena e María José, mamá e avoa de Adriana e Alejandro, que viñeran ensinarnos a facer estes doces tan ricos. Mañá xa veremos que tal saíron, a pinta polo menos é boa! De momento deixámosvos unhas fotos do proceso e o resultado.








8 de novembro de 2017

ARTE DE OUTONO

Por fin! Xa tiñamos ganas de ensinarvos as nosas obras de arte de outono coas que tanto desfrutamos! Todas elas foron elaboradas con elementos naturais aportados polos nenos/as e as súas familias: moitas grazas por colaborar tanto!

Como vedes, cada cadro é diferente e especial, igual que os/as artistas que os elaboraron. Aquí vos deixamos o resultado final!



2 de novembro de 2017

Festas de outono: ¡MAGOSTO E SAMAÍN!

O pasado martes acudimos todos xuntos á escola de Amorín para festexar o magosto e o samaín de maneira conxunta! Pasámolo en grande bailando, xogando, vendo a exposición de cabazas, escoitando contos e música, merendando pan con chourizo e castañas...

A continuación déixovos un vídeo cunha recompilación de fotos deste día e tamén do proceso de decoración da nosa cabaza, da que falabamos hai uns días!



30 de outubro de 2017

OS MAIORES TAMÉN TEÑEN MEDOS!

Ó longo desta última semana falamos moito dos nosos medos, motivados pola celebración do Samaín que se achega cada vez máis. Nunha destas conversas xurdiu curiosidade polos medos dos maiores; segundo algúns nenos/as "os seus papás non teñen medo a nada porque son maiores!" Pero preguntando, preguntando resulta que sí, que os papás, mamás, avós, avoas... tamén teñen medos!! Aquí vos deixamos algúns deles!






26 de outubro de 2017

ACHÉGASE O SAMAÍN...

...e na clase de Educación Alternativa comezan a aparecer seres moi pero que moi raros!
¡¡¡Moitas grazas por facernos desfrutar tanto, PROFE BETLEM!!!


O noso patio empeza a coller cor...

Aínda que o sol nos molestaba nos ollos, tivemos que sacar esta foto igual! Necesitabamos ensinarvos que...


¡MOITAS GRAZAS A AINOA E Á SÚA MAMÁ por facerlle esta saia de lá tan bonita á nosa árbore máis gordiña!, contribuíndo a que o noso patio estea un chisquiño máis bonito do que xa é.